Air Greenland: Billettit tamaasa utertissavagut

Timmisartuussineq tamarmi tallimanngorpat nalunaaqutaq 23:59-imit apriilip ulluisa pingajuannut unitsinneqassaaq.
- Atuisut tamarmik, Air Greenlandimit martsip 20-aniit ulloq apriilip 3-at ilanngullugu angalanissamik pisisimasut bilitsip akianik toqqaannartumik utertitsivigineqassapput, Air Greenland paasissutissiivoq. Assi © : KNR / Foto: Anton Gundersen Lihn
Allattoq Christine Hyldal
marsip 18-at 2020 11:40
Nutserisoq Connie Fontain

Arfininngornermut unnuap qeqqarpat Air Greenlandip timmisartuussineri tamarmik unissapput.

Tamanna nunatsinnut nunatsinnullu timmisartuussinernut atuuppoq, aamma nunatsinni illoqarfiit akornanni timmisartuussisoqassanngilaq.

Tamanna Air Greenlandip tallimanngornermi unnukkut nalunaaqutaq 23.59-imit ulluni 14-ini matoqqanissaanik pissuteqarpoq. Timmisartuusseqqusaannginnissamut inassuteqarneq tallimanngorneq marsip ulluisa 20-annit ulluni 14-ini atuutissaaq.

Nunatta matuneqarneranut paasissutissat Naalakkersuisut siulissaasuannit marlunngornermi saqqummiunneqarpoq. Tamanna coronap tuniluutinnginnissaanik siunertaqarpoq.

AAMMA ATUARUK Tamaat isigalugu: Coronavirus pillugu killiffik

Piffissami tassani Disko Line aamma ilaasoqassanngilaq.

- Atuisut tamarmik, Air Greenlandimit martsip 20-aniit ulloq apriilip 3-at ilanngullugu angalanissamik pisisimasut bilitsip akianik toqqaannartumik utertitsivigineqassapput, Air Greenland paasissutissiivoq.

Atuisartunut kiffartuussivimmi ulapputtorujussuusut

Aningaasalli atusartut kaasarfiannut uteqqinnissaannut sapaatit-akunneri arfinillit ingerlasinnaapput.

Atuisartut tamarmik angalatitsivik aqqutigalugu billettersisimasut angalatitsivimmut saaffiginneqquneqarput, taakku aningaasanik utertitsinissaq kingorna isumagissavaat.

Timmisartuutileqatigiiffiup nalunaarutaa naapertorlugu atuisartunut kiffartuussivimmi ulapputtoqaleruttorpoq.

- Oqarasuaatikkut ulluni makkunani saaffigineqaqattaangaatsiarpugut. Taamaammat atuisartut kiffartuussivimmut sianinnginnerminni nittartakkatsigut apeqqutiminnut akissutissarsioqqaarnissaat kissaatigaarput.

AAMMA ATUARUK Coronavirusip ernumassutigineqarnera: Atuarfiit timmisartuussinerillu matulersut

Naak timmisartuussineq tamarmi tallimanngorpat unnuap-qeqqanut matuneqaraluartut napparsimasunik ingerlassinissat suli periarfissaassapput. Nioqqutissanik aamma assartuineq ingerlatiinnarneqassaaq.

Coronavirusimik tunillatsissimasorineqartut misissorneqarneri Københavnimut Statens Serum Institutimut aamma nassiunneqaannartassapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk