Suliaq kulturimut tunngasoq angingaasaliiffigineqarsinnaavoq

Nunatsinni kulturimut tunngasuteqartunik suliaqartunut, suliaqarusuttunullu aningaasanik tapiiffigineqarsinnaaneq pillugu saqqummiisoqassaaq.

- Ullumi nalunaaqutaq marlunut Katuami paasissutissanik saqqummiussisaagut. Tamatumani sulisutta pikkorilluinartut marluk aningaasaateqarfiup qanoq ingerlariaaseqarnera saqqummiutissamassuk. Taamatullu aamma assinganik ataasinngorpat Ilulissat kulturhusiani aamma saqqummiisoqassaaq. Tamannalu nalunaaqutaq sisamaniit arfineq marlup qeqqata tungaanut pissaaq, soqutiginnittullumi suliarput pillugu paasisaqarusuttut aggernissaannik kajumissaarusunnarput, Nordisk kulturfondimi siulittaasoq Karen Bue taama oqarpoq. Taassumallu ilanngullugu oqaatigaa suliniuteqartoqarpat suliniut pillugu nalilersuititsinissamut aamma periarfissaqarumaartoq.

Kulturimut tunngassuteqartunik suliniuteqartut Danmarkimit, Kalaallit Nunaannit, Islandimit, Ålandip qeqertanit, Norgemit, Sverigemeersullu Nordisk kulturfondimut qinnuteqarnissamut periarfissaqarput. Ukiorlu kingulleq suliniutinut 1,3 millionit korunit tapiissutitut tunniunneqarsimapput.

-Naliginnaasumik suliniuteqartunut tapiisinnaasarpugut nunat avanaarliit pingasut ilaatsillugit suliniuteqartoqaraangat. Tamannali Kalaallit Nunaannut, Islandimut Savalimmiunullu atuutinngilaq. Taakkunanngaanniimmi nunat marluk naammapput, kisiannili naalagaaffeqatigiissanngillat. Assersuutigisinnaavarput kulturikkut suliniuteqarnermi Kalaallit Nunaannaat Finlandilu suleqatigiinnissamik isumassarsiaqarpata, aap taava qinnuteqartoqarsinnaavoq. Kalaallit Nunaallu isorartussutsimigut nunarujussuugaluartoq taammaattoq Kalaallit Kulturiannik nunani avannarlerni takusaqarpallaarneq ajorpugut, tamannalu allanngortittariaqarpoq, Karen Bue taama naggasiivoq.

Læs mere om Nordisk Kulturfond: www.nordiskkulturfond.org