Suleriaaseq nutaaq ujartorpaa

Inuit tamat oqartussaaqataanerat pillugu, ineriartupiloornerlu malinnaaviginiarlugu Inatsisartuni suleriaatsimik nutarterinissamik siusinnerusukkut saqqummiussaqartoq, Inuit Ataqatigiit sinnerlugit Inatsisartuni ilaasortaq Asii Chemnitz Narup, nutaamik suleriaasissaqarnissaq pillugu aammaarluni ulluni makkunani siunnersuuteqarpoq.
Allattoq Mads Lynge
januaarip 18-at 2008 07:29

- Inatsisartuni ataatsimiittarnerit sivitsorneqartariaqarput. Inatsisiliorneq peqqissaarnerusoq akisussaassuseqarnerusorlu periarfissaqarnerulissammat, Asii Chemnitz Narup taama siunnersuuteqarpoq, nangillunilu:

- Inatsisartuni oqalliseriaatsit aqunneqarnerat ilusilerneqartarnerallu nutarterluinnartariaqarput. Uummaarinnerusumik oqallinneq ingerlanneqarsinnaaqqullugu akioriinnerit sukkanerusumik pisinnaalertariaqarput. Oqallittarnermi maanna periuserineqartut tunngavigalugit oqalussinnaatitaanermut piffissaliussat nutarterneqartariaqassapput.

Illuatungiliuttut ataatsimiititaliani siulittaasuutitaqalernissaat pisariaqartutut aamma oqaaatigineqarpoq.

- Illuatungeriilluni inissisimanerit, suliassat akisussaaffiillu isertuaatsumik ataqqeqatigiillunilu oqallisigineqarsinnaasariaqarput, Asii Chemnitz Narup oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq