Suleqatigiinneq qanoq nukittorsassavarput?
Suliniutimmi suleqatigiinnerulernissamut tunngassutillit NORA-p tapiiffigisalissagai ukiuni tallimani suleriusissami salliutinneqassasoq siunertarineqarpoq.
Tassa ilaatigut aalisarnerup inerisarneqarnissaanut, sumiiffinnilu taariikkatsinni assigiinngitsuni imaani allatigut inuussutissarsiutit inerisarneqarnissaannut isumassarsiat, NORA-p tapiiffiginnittalernissaani salliutinniarneqarput.
Imaani inuussutissarsiutit pillugit nutaanik isumassarsiat inerisarneqarsinnaasut, tunisassiassat nutaat, tunisassioriaatsit nutaat kiisalu avammut tuniniaariaatsit nutaat tapiiffigineqartassapput, tamatumunngalu takornarialerinermut, nunalerinermut ataavartumilluunniit nukissiuutaasinnaasut tapiiffigineqartartussanut ilaatigut ilaassapput.
Nunat taariikkatta isorartunerujussuisa qanoq ililluni isorartuvallaarunnaarnissaannut isumassarsiat NORA-miit aallunniarneqartunut aamma ilaapput.
Suliniutit nutaat ukiumut 500.000 koruuninik ukiut pingasut angullugit NORA-miit tapiiffigineqartalernissaat siunertarineqarpoq.
Tassa illit arlaannik pitsaasumik isumassarsiaqassaguit marsip ulluisa sisamaat nallertinnagu NORA-mut qinnuteqarsinnaavutit.
