Sukkanerusumik internetersinnaanngulerpusi
Nuummi 4G (LTE)-mut attaveqaammik, ukiup naanissaa sioqqullugu ingerlalersussatut naatsorsuutigineqartumik ikkussinissaq pillugu TELE-POST Nokia Siemens Networks-imut isumaqatigiissuteqarpoq. Aamma 2014-imi pisariaqartitsineq malillugu illoqarfinni allani 4G-mik ikkussuisoqassaaq.
Tele-mi sanaartornermut pisortaq Jonas Hasselris oqarpoq,
4G-mut attaveqaatip nutaap atuisut attaveqarnermi sukkassutsinik sukkanerungaatsiartunik atuinissamut periarfississangai.
- Neriuppugut atuisut nuannaarutigissagaat angallattakkamik sukkanerulernerat, tamatumalu saniatigut illoqarfimmi sumiluunniit angerlarsimasuusillutik internet-ersinnaalissasut, Jonas Hasselris oqarpoq.
- Sukkanerujussuarmik atortoqalissatit. ADSL-imiit ilisimasatsinnut assigusumik sukkanerusumilli nittartakkanut ingerlaannaq isersinnaalissaatit, atuisunut malungusunnartumik, Jonas Hasselris oqarpoq.
4G-mut attaveqaat 800 MHz-eqarfimmi bånd 20 aqqutigalugu atorneqassaaq. Tassalu oqarasuaatit imaluunniit atortut mobil bredbånd-imik atuisut TELE-POST-ip 4G-mut attaveqaataanik atuisinnaaniarlutik frekvensimit tassannga tigooqqaasassapput.
Atortut, 800 MHz tunngavigalugu 4G/LTE-mik toqqaanermut tunuliaqutaasut angallattakkat atorlugit pitsaanerpaanik misigisaqarfiusinnaasunik pilersuisinnaanissaq kissaatigineqarpoq:
Frekvensi arlalinnik iluaqutissartaqartoq TELE-POST-imiit tunisassiornermut pisortaq John Siegstad nassuiaavoq.
”800 MHz Kalaallit Nunaanni pitsaasumik attaveqaataasinnaavoq, isorartuumut anngussinnaagami, aammalu nunap qutaarluuneranit sakkukillisinneqartannginnami. Taamaalilluni frekvensi sapinngisamik annertunerpaamik attaveqaasiinissamik qulakkeerinissamut anguniakkatsinnut naapertuuppoq.
Tamatuma saniatigut attaveqaat illulianik nutaanerusunik akimuilluarsinnaavoq, kiisalu frekvensit sakkortunerusut illunik betonimik imaluunniit saviminermik sanaajusunik akimuiniapiloorsinnaallutik, tunisassiornermut pisortaq nassuiaavoq.
