Suka K. Frederiksenip USA-p nunanut allanut ministeria naapikkaa

Suka K. Frederiksenip danskit nunanut allanut tunngasunut ministeriat, Anders Samuelsen, peqatigalugu Canadamiut nunanut allanut tunngasunut ministeriat, Chrystia Freeland, amerikamiullu nunanut allanut tunngasunut ministeriat, Rex Tillerson, naapippai.

Naalakkersuisoq tusagassiuutinut nalunaarummi taama allappoq.

AAMMA ATUARUK Ilisimatuussutsikkut suleqatigiinneq nukittorsarneqarpoq

Nunattalu USA-miut sakkutuuisa nunatsinniinnerannit sapinngisamik pissarsiaqarnissaanut nunatta USA-llu akornanni illersornissaq pillugu isumaqatigiissutip qulakkeerinninnissaa pingaartuusoq, naalakkersuisup erseqqissaatigaa.

- Ataatsimiinneq ingerlalluarpoq, Rex Tillersonillu suliassaq pimoorullugu tiguaa, taamatuttaarlu Nunatsinnut pulaarnissaanut qaaqqussutiga tigulluarlugu, Suka K. Frederiksen tusagassiuutinut nalunaarummi oqarpoq.

AAMMA ATUARUK Nunat Avannarliit Killiit Siunnersuisoqatigiivi alaatsinaattutut inissisimalertut