Issittumi Siunnersuisoqatigiit Nunat Avannarliit Killiit Siunnersuisoqatigiivi alaatsinaattutut inissisimalertut

Issittumi Siunnersuisoqatigiinni ministerit Alaskami Fairbanksimi ataatsimiinneranni Nunat Avannarliit Killiit Siunnersuisoqatigiivi Issittumi Siunersuisoqatigiinni alaatsinaatsutut inissisimalernissaat akuersissutigineqarpoq.
Assi © : Vestnordisk Råd
Allattoq Karsten Sommer
maajip 13-at 2017 12:44
Nutserisoq Jaaku Lyberth

Nutaarsiassatsialak Nunat Avannarliit Killiit Siunnersuisoqatigiivini nuannaarutigineqartupilussuuvoq,  allattoqarfik attaveqatigiittarfikkut Twitterikkut paasitinneqarmat, kingornalu Fairbanksimini ministerit ataatsimiinneranni uppernarsarneqarmat,  Nunat Avannarliit Killiit Siunnersuisoqatigiivi alaatsinaatsitatut qinnuteqaataa akuerineqartoq,

Nunat Avannarliit Killiit Siunnersuisoqatigiivi nittartakkaminni Vestnordisk.is-mi taama allapput. 

AAMMA ATUARUK Ilisimatuussutsikkut suleqatigiinneq nukittorsarneqarpoq

Sunniuteqarnissamut periarfissaqarnerulertoq

Issittumi Siunnersuisoqatigiinni alaatsinaatsutut akuerineqarneq  Nunat Avannarliit Killernut tassanilu innutaasunut pingaaruteqartorujussuuvoq,  Savalimmiuni, Kalaallit Nunaani Islandimilu qinikkat Nunat Avannarliit Killiit siunnersuisoqatigiivi aqqutigalugit, Issittumi politikikkut aalajangigassanut sunniuteqarnissaminnut periarfissaqarnerulissammata.

Alaatsinaatsutut akuerisaaneq, Nunat Avannarliit Killiit Siunnersuisoqatigiit ukiuni 31-ni atuunneranut pingaarutilerujussuuvoq.

AAMMA ATUARUK Internettimut attaveqarnerup pitsaanerulersinnissaa issittumi nunat sulissutigisariarpaat

Nunat Avannarliit Killiit Siunnersuisoqatigiivinit neriorsuutigineqarpoq,  issittumi innuttaasut soqutigisaat isumaginiarlugit minnerunngitsumillu issittumi pinngortitap avatangiisillu illersorneqarnissaat. 

Tamanna innuttaasut peqataatinneqarnerisigut  piviusunngortinneqassaaq, Nunat Avannarliit Killiit Siuinersuisoqatigiivinit utoqqaat inuusuttullu, inuussutissarsiuteqartut pinngortitarlu pillugit suliniaqatigiiffiit aperineqassapput,  issittumi suut siuarsarneqassanersut aamma oqaluuserineqassanersut.

 Naggataatigut Nunat Avannarliit Killiit Siunnersuisoqatigiivinit Nunat Avannarlerni killerni innutaasut  pilluaqquneqarput, Issittumi Siunnersuisoqatigiinni alaatsinaatsutut inissisimalernerat pillugu.

Aamma atuaruk