Issittumi Siunnersuisoqatigiit Ilisimatuussutsikkut suleqatigiinneq nukittorsarneqarpoq
Isumaqatigiissuteqarnermi ilisimatuut ilisimatuullu atortui issittumi naalagaaffiit akimorlugit killeqannginnerusumik angalasinnaalerput aamma atortut assartorneqarsinnaalerlutik.
Isumaqatigiissummik atsioqatigiittoqartoq Issittumi Siunnersuisoqatigiinni ilaasortat ministeriisa Alaskami Fairbanksimi ataatsimiinneranni.
- Isumaqatigiissut pingaaruteqarpoq, ilisimatusarneq issittumi suleqatigiinnermi pingaarutillittut inississimammat, danskit nunanut allanut tunngasunut ministeriat Anders Samuelsen qulakkeerlugu taama oqarpoq, nangillunilu,
-politikkikkut pingaarutilinnik aalajangiissoqassatillugu ilisimatuussutsikkut paasisat tunngaviliisarput, tassalu issittumi aningaasarsiornkkut ineriartorneq avatangiisillu pineqartillugit.
Isumaqatigiissut nutaaq Nunanut Allanut Tunngasunut ministerimit Anders Samuelsenimit aamma Nunanut Allanut Tunngasunut Naalakkersuisumit Suka Frederiksenimit aamma Savalimmiuni nunanut allanut tunngusunut naalakkersuisumit Poul Michelsenimit atsiorneqarpoq.
Issittumi Siunnersuisoqatigiit Alaskami ataatsimiinnerannut pissutaavoq, USA ukiuni kingullerni marlunni siulitttaasunera naggataarneqarmat ukiunilu tulliuttuni marlunni, Finland siulitaasuussalluni.