Suka K. Frederiksen napparsimasutut nalunaarutigineqartoq
Naalakkersuisut sisamanngornerup ullaavani tusagassiorfinnut nalunaarummi naatsumi ilisimatitsissutigaat namminiilivinnermut, nunanut allanut nunalerinermullu naalakkersuisoq Suka K. Frederiksen napparsimasutut nalunaarutigineqartoq.
Allattoq Simon Uldum -
aggustip 31-at 2017 07:09
Naalakkersuisup napparsimatut nalunaarutigineqarnera septembarip 25-ata tungaanuugallartoq atuutissasoq Naalakkersuisut aamma ilisimatitsissutigaat.
- Naalakkersuisut siulittaasuat Kim Kielsen taamaammat aalajangerpoq Suka K. Frederiksenip napparsimanerata nalaani suliassaqarfii aalisarnermut piniarnermullu naalakkersuisumit Karl-Kristian Krusemit isumagineqassasut, Naalakkersuisut taama allapput.
