"Suicide by cop" Sverigemi misissuiffigineqaleruttorpoq
Tassami imminut toqukkusullutik politiinit aallaaneqarnissartik anguniarlugu peqquserluttartut amerliartuinnartut, svenskit politiivisa ernummatigaat.
AAMMA ATUARUK Imminut toqunneq oqallisigineqarlik
- Periuseq taanna nutaajuvoq, ullumikkullu tusarsaagaluttuinnarluni. Tassa inuit namminneq piumasamminnik politiinut uukapaatitsillutik aallaaneqarusuttarnerat, Mats Karlsson, Skånemi politiit qullersaat aviisimut Sydsvenskanimut oqarpoq.
Taannalu naapertorlugu taamatut imminut toqoriaraluartartut sapaatit akunneri pingasukkaarlugit pisarput. Skånemi ajornartorsiutaangaatsiarpoq, taamaammallu suliarujussuusarluni, politiit qullersaat oqarpoq.
"Suicide by cop" marloqiusamik nassuianeqarsinnaavoq: Siullertut pinerluttup tigusarineqarusugani aallaaneqarnissani angunialersarpaa aappaattullu inuit imminut toqunnissartik anguniarlugu pinerluuteqartarnerat.
"Suicide by cop" USA-mi 2000-kkunnili naliginnaalersimavoq.
AAMMA ATUARUK Imminut toqunnissamik sioorasaarisunik nalunaarutiginninnerit siorna 832-iusut
