Ittoqqortoormiini anorersuarnera pissutigalugu suut tamarmik matoqqasut
Illoqarfiup politiivi nalunaarput anorersuarujussuarnerani innuttaasut imminnut paarilluarsimasut.
Silasiorfik DMI mianersoqqussummik nassiussisimavoq, tunumilu illoqarfimmi tassani innuttaasut tamanna naalassimagaat, Ittoqqortoormiini politiit oqaluttuarput.
- Ajortoqarsimanngilaq. Inuit angerlarsimaannarput, ajoqusertunillu nalunaaruteqartoqarsimanngitsoq, politiineersoq Peter Pedersen oqaluttuarpoq.
- Ersittuerutingajaavittarpoq. Biilikka igaffiup silataani uninngasut ersigunnaavillutik, politiineersoq oqaluttuarpoq.
AAMMA ATUARUK Ittoqqortoormiini anorersuarujussuarnissaa ilimasaarutigineqarpoq
Ittoqqortoormiini ataasinngornermi suli anorlerpoq, kisianni ipparsartulli sakkortutiginngittumik.
- Sapaatiummat unnukkutulli sakkortutiginngilaq, sulili nittaalartalimmik anorlerpoq. Illoqarfimmi suut tamarmik matoqqasut, Peter Pedersen oqaluttuarpoq.
Silassaq naapertorlugu sisamanngornerup tungaanut Ittoqqortoormiini anorersuarallassaaq. Pingasunngornermi allaat sekundemut 55 miiterit angullugit anoraasuartarnissaanik ilimasaarisoqarluni.
