Ittoqqortoormiini anorersuarujussuarnissaa ilimasaarutigineqarpoq
Ittoqqortoormiini sapaammi unnukkut silap pitsaavallaannginnissaa Danmarkimi silasiortut DMI-meersut nalunaarutigaat.
![](/sites/default/files/styles/image_934x467/public/article_images/snestorm_630.jpg?itok=CU8v-k00)
Allattoq Mads Lynge, Anton Gundersen Lihn
Avannamit anorersuarlunilu nittaalarnissaa ilisimasaarutigineqarpoq, persilertarnissaalu aamma ilimasaarutigineqarluni.
Hans Wannerip, Kalaallit Nunaanni silassamik DMI sinnerlugu nakkutiginnittup, KNR-imut oqaatigaa anoraa sekundimut 35 meterinik sakkortussuseqarsinnaassasoq, tassa anorersuarujussuartut sakkortutigisarsinnaassalluni.
- Perlussaaq. Anorersuarlunilu nittaalangaatsiassaaq, ississangatinneqarlunilu. Silapilunnissaa ilimasaarutigaarput, Hans Wanner oqarpoq.
Sumiiffimmiilli sumiiffimmut silap assigiinngisitaarnissaa Wannerip aamma ilisimasaarutigaa. Qaqqat alannguanni assersuutigalugu anoreqannginnerusarnissaa ilimanarluni.
Ittoqqortoormiinilu qanoq perlutsiginissaa eqqoriaruminaassinnaasoq Hans Wannerip oqaatigaa.