Nunap inoqqaavisa oqaasiisa ilinniartitsissutigineqarnerat Montrealimi soqutigineqarluarpoq
Indianerit naggueqatigiillu Inuit McGill Universitymi ukiut 35-t kingulliit ingerlaneranni ilinniartitsisutut naammassisarsimapput.
Canadami nunap inoqqaavisa oqaatsitik tammatsaaliorneqarnissaat ukiuni kingullerni soqutigineqaleraluttuinnarsimavoq.
Inuktitut, Cree-indianerit oqaasii, Mi'gmaw, Mohawk Naskapitulu oqaatsit aamma ilinniarneqarsinnaalereerput.
Cree-indianerit 40-t McGill Universitymi sapaatip-akunnerata massuma ingerlanerani allagartartaarput.
Allagartartaartut arnaannangajaapput, amerlanerillu atuarfinni ikiortitut suliffeqareerlutik.
McGill Universitymi ilinniartunngorniaraanni nunaqarfigisamit innersuunneqarsimanissaq piumasaqaataavoq. Cree-indianerit oqaasiisa najugaqarfigisami aamma ilinniartitsissutaasarput, McGillimit ilaatigut ilinniartitsisoqartarluni., soorlu aamma internet aqqutigalugu ilinniartitsisoqartartoq, Skypelu aamma torneqartarluni.
Inuusuttut inersimasullu ilinniartuusarput, aanaajusullu Mabel Samip CBC Newsimut oqaatigaa ernuttani inuusuttullu allat najugaqarfigisamini Chisasibimi ilinniartinniarlugit.