Steen Lyngep aningaasanut inatsit piviusorsiornerusoq kissaatigaa

Ukioq manna avaleraasartoorniarnerup siornamut naleqqiullugu pisakinneruffiunerunera pissutaalluni Nunatta karsiata 50 millionit koruunit pallillugit amigartoorfiunissaa paasinarsereersorlu, Atassut sinnerlugu Inatsisartuni ilaasortaq Steen Lynge taama qisuariaateqarpoq.

Aamma atuaruk Illuatungiliuttut: Avaleraasartuut isumalluutigivallaarnagit

Isertitassatut isumalluutigineqartut piviusunngunngitsoornerat pissutaalluni Nunatta karsia siornatigut amigartoorfiusareerpoq:

- Tamanna pinngitsoortinniarsarisariaqarparput, Steen Lynge oqarpoq, aningaasanullu inatsisiliornissami mianersornerusoqartarnissaa siunnersuutigalugu:

- Misileraalluni avaleraasartoorniarnermi misilittakkat takutippaat tamanna aningaasaqarniarnermut sunniuteqarluarsinnaasoq, tamannalu ilinniarfigisariaqarparput, Atassut sinnerlugu Inatsisartuni ilaasortaq ilaatigut allappoq.

- Atassut taamaammat isumaqarpoq aningaasanut inatsisissani siunissami angusarissaarnerusoqassappat mianersornerusoqartariaqartoq, Steen Lynge naggasiivoq.

Aamma atuaruk Avaleraasartoorniarnermit isertitassaagaluit amigaataalerput