Startup Greenlandimi ajugaasut aajuku
![](/sites/default/files/styles/image_934x467/public/article_images/startup.jpg?itok=mb_QDAIe)
- Ilinniartuutivut arlallt ilinniartullu allat ukiormanna unammisitsinermi peqataapput, taakkulu sapaatit-akunnerata ingerlanerani nutaanik ilisimasaqalerput aammalu atuagarsornikkut ilinniarsimasaminnik atuillutik. Pingaarnerpaarli tassaavoq nutaanik ilisimasaqalernerat aammalu nuannersumik misigisaqarnerat, taamaaliornikkummi aallatisaanissaminnut iliuuseqarnissaminnullu piumassuseqarnerulissammata, Nuummi Niuernermik Ilinniarfimmit oqaatigineqarpoq.
Unammisitsineq tallimanngornermi novembarip 22-iani nal. 17.00 Inuussutissarsiornermut Aatsitassanullu Naalakkersuisumit Jens-Erik Kirkegaardimit ammarneqarpoq sapaammilu novembarip 24-iani nal. 18.00 naammassineqarluni. Naliliisartullu Michael Binzer, TELE-POST, Aviaja Lennert Lyberth, Kompetencekompagniet, aamma Claus Christoffersen, Yamatek, ukiormanna ajugaasussamik toqqaapput, tassalu:
Team Greenland Nature, Mette L. Davidsenimit, Mathias Davidsenimit Malene Vahl Rasmussenimillu inuttaqartoq.
Team Greenland Nature Aallarnisaasunik unammisitsinermi "Startup Greenland"-imi ajugaanerannut tunngavilersuutigineqartoq tassaavoq suliniutaasa piviusorsiornerpaajunera aammalu nioqqutissamik atuisumut qanoq naleqalersitsisinnaanerinik paasisimaqarluarnerat.
Team Greenland Nature tiimik nunatsinneersumik tunisassiorusuppoq, kingusinnerusukkullu aamma nunatsinni naasut allallu atorlugit amermut tarngutinik tunisassiorusullutik.
Naliliisartullu, aningaasaliisartup isaanit isigalugu, tamarmik isumaqatigiissutigaat namminneq Team Greenland Nature aningaasaliiffigerusunnerullugu.