SSI: Arlallit abekoppemik toqquteqarnissaat naatsorsuutigineqarsinnaavoq
Nappaat tuniluuttoq Abekoppe nunani tamalaani maanna 71-ini tuniluuppoq, 14.000-tillu maannamut tunillanneqarsimasutut nalunaarsugaapput.
Spaniamiut marluk aberkoppemik Europami siullersaallutik toqquteqarnerat Spaniami peqqinnissaqarfimmit nalunaarutigineqarpoq.
Danmarkimi 90-it abekoppeqalersimapput
Danmarkimi abekoppemik tunillanneqarsimasut maanna 90-nngorsimasut Statens Serum Instituti nalunaarpoq. Taakkunannga 27-t nunanit allaneereerlutik tunillanneqarsimanermut ersiuteqalersimapput.
Statens Serum institutip pisortaata Henrik Ullumip DR-imut oqaatigaa, abekoppe Danmarkip avataanut angalasimasuinnaanngitsoq akornanni aammali angalasimanngikkaluartulluunniit akornanni tuniluutilersimasoq.
Abekoppeqartullu ulluni kingullerni amerleriapiloorsimmata tunillaassuutitsiversaarneq iluatsippallaarsimanngitsutut Henrik Ullumip nalilerpaa.
Abekoppeli Coronatulli sakkortutiginanilu tunillaassutiatiginngimmat Henrik Ullum eqqissisaavoq:
- Nappaat nalinginnaasumik katsorsarneqarsinnaallunilu sakkortunngimmat uippallernaversaartariaqarpugut, taanna DR-imut taama oqarpoq.