Sri Lankami qaartumeerisoqarnerani toqutaasut 359-inngortut
Politiit oqaaseqartartuata marlunngornermi nalunaarutigaa, inuit 321-t toqutaasimasut maannali 359-inut amerleriarsimasut, dr.dk allaaserisaqarpoq.
Saassussinermut pasisat 18-it unnuaq tigusarineqarmata tigusarineqartut mannamut 58-nngorput. Nutaarsiassaqartitsivik AP taama allaaserisaqarpoq.
AAMMA ATUARUK Sri Lankap præsidentiata illersornissaqarfimmi siuttut soraarsinniarai
Colombomi ulluni makkunani aliasuffiuvoq, toqutaasimasullu eqqaaniarlugit erfalasut qaqortut sumi tamani takussaapput. Pasineqartut qaartartumeerisut arlalissuit suli tigusarineqarsimanngitsut Sri Lankap premierministeriata Ranil Wickremesinghep marlunngormat mianersoqqussutigaa.
Tamatumunngalu peqatigitillugu Sri Lankami illersornissamut ministerip tulliata oqaatigaa sapaatiummat saassusissoqarnera New Zealandimi Christchurchimi musliimit naalaffiisa marluk marsip 15-iani saassunneqarnerinut akiniaanerusoq.
- Qaartartumeerinernik misissuinerugallartup takutippaa, Sri Lankami sapaatiummat pisoq tassaasoq Christchurchimi musliiminut saassussinermut akiniaaneq, illersornissamut ministerip tullia Ruwan Wijewardene nutaarsiassaqartitsivik AFP naapertorlugu taama oqarpoq.
AAMMA ATUARUK Sri Lankami toqutaasut suli amerliartortut