Sri Lankami qaartartumeerisoqarneranut atatillugu 70-it tigusarineqartut

Tigusarineqartut maannamut 70-iupput, taakkununnga ilaalluni imminut pilliutigitigalutik qaartitsisut marluk angutaat, Sri Lankami nerisassanut akuutissanik avammut nioqqutissiortut annersaasa ilaat, dr.dk taama allaaserisaqarpoq.

Tigusarineqartorpassuit qaartartumeerinernut arfineq-pingasunut peqataasimasutut pasineqarput. Inuit 359-it toqutaapput 500-llu ikiligaallutik. Toqutaasut ilagaat meeqqat Danmarkimeersut pingasut.

AAMMA ATUARUK Sri Lankami qaartumeerisoqarnerani toqutaasut 359-inngortut

Angutit qatanngutigiit Imsath Ahmed Ibrahim aamma Ilham Ahmed Ibrahim, imminut pilliutigitigalutik qaartartumeerisimasorineqartut, ilaqutariinnit pigissaartuneersuupput.

Angutaat, nerisassanut akoorutissanik avammut nioqquteqartuuvoq, ernermilu qaartartumeerinerannut ikiuisimasut pasineqarluni parnaarussaaqqavoq, CNN taama allappoq.

AAMMA ATUARUK Sri Lankap præsidentiata illersornissaqarfimmi siuttut soraarsinniarai

Sutigut ikiusimanersoq erseqqissumik oqaatigineqanngilaq, ilaqutariilli pigissaartut Ibrahimikkut sinneri aamma tigusaaqqapput.

Qaartartumeerinerup kingorna paaasissutissiissutigineqarpoq Ilham Ahmed Ibrahim siornatigut parnaarussaaqqasimasoq kingornali iperagaasimasoq.

AAMMA ATUARUK Sri Lanka qaartartumeerinerit sioqqullugit Indiamit mianersoqquneqartoq