Sri Lankami qaartartumeerinermut siuttuusimassangatinneqartoq toqusimasoq
Videokkut immiussani siuttuussangatinneqartoq kinaassusersineqartoq akunnittarfinni qaartartumeerinermi saassussisuusimavoq, akunnittarfimmilu qaartartumeerimmat ilaatigut qallunaat meeqqat pingasut toqutaapput.
AAMMA ATUARUK Sri Lankami qaartartumeerisoqarneranut atatillugu 70-it tigusarineqartut
Qaartartumeerinermut atatillugu peqqarniisaarniarnut attuumassutillit 140-t ujaarineqartut, præsidentip aamma nalunaarutigaa. Peqqarniisaarniarnermullu attuumassutillit 70-t tigusarineqareerlutik.
Illoqarfimmi Colombomi qaartartumeerisoqarmat toqutaasimasut amerlassusaat saqqummiunneqaqqaarmata 359-isut nalunaarutigineqaraluarpoq, kukkusoqarsimanerali sisamanngornermi paasineqarmat toqutaasut 250-it missaanniinnissaat nalunaarutigineqarpoq.
AAMMA ATUARUK Sri Lankami qaartumeerisoqarnerani toqutaasut 359-inngortut
