Spiermannip suliassai saqqummiunneqarput

Qasigiannguani efterskolessamut immikkut ittumik aningaasaliisimanermut tunngatillugu Naalakkersuisut iliuuserisimasaasa inatsisilerituumit misissorneqarnissaanut atatillugu apeqqutit pingasut akineqartussaapput.
Allattoq Najaaraq Egede
decembarip 17-at 2008 05:39

Naalakkersuisut siulittaasuata Hans Enoksenip professor Ole Spiermannip misissuinissaanut pisinnaatitsissut tamanut takusassiarisaani allassimavoq professorip misissussagaa, tunngaviusunik inatsisinik ingerlatsinermilu inatsisinik suliap ingerlannerani unioqqutitsisoqarsimanersoq.

Naalakkersuisut Inatsisartut Siulittaasoqarfiannut Landskarsip 2007-imut naatsorsuutaasa suliarineqarnissaasa kinguartinneqarnissaannik kissaateqarlutik saaffiginnissuteqarmata, tamanna unioqqutitsinerusimanersoq taamaattoqarsimappallu kina akisussaanersoq paasiniarneqassapput.

Hans Enoksenip Ole Spiermann inatsisileritussatut toqqarpaa Namminersorneq pillugu ataatsimiititaliarsuarmi siunnersortaasimanermigut takutissimammagu arlaannaannulluunniit attuumassuteqanngitsumik sulisinnaanini.

Ole Spiermannip allakkiat allallu paasissutissat Qasigiannguani efterskoleliassamut tunngassutillit, ilaatigut naatsorsuuserisut Deloitte-kkut uparuaataat, tigoreerai aamma erseqqissaatigineqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk