Soraarnerussutisiaqalernissamut piumasaqaatit pillugit ajornartorsiutit amerlanerusut
Akileraartarnermut Aqutsisoqarfik ulluni makkunani ulapinneruvoq. Aqutsisoqarfiummi soraarnerussutisiaqarnissamut aaqqissuussinermut pinngitsoorani ilaanissaq pillugu inatsit naapertorlugu aningaasat akiliutigineqartut qanoq pissanerlugit paasiniassavaa.
Tamatuma saniatigut innuttaasut soraarnerussuteqarnissamut pinngitoorani ilaanissammut aaqqissuussaq pissutigalugu skattekortiminni akileraarutimik procentiata qaffanneqarnera pillugu apeqquteqarniartut sullinniarsaraat.
- Oqarasuaatitigut mailikkullu saaffiginnittorpassuupput, taakkulu saaffiginnittarfiup ammanerata saniatigut aamma suliassaasarlutik. Saaffiginnissutigineqareertut maannakkut suliarineqarlutik ingerlanneqarput, taamaattumik innuttaasunut oqariartuuteqarsinnaavugut, suliat ingerlapput, amerlaqimmatali kikkut tamarmik ullormiit ullormut immaqa akissutisinnaanngikkaluarput. Kisianni piffissami aggersumi suliarineqassaqqaarput, Akileraartarnermut Aqutsisoqarfiup pisortaata tullia, Siverth Larsen oqarpoq.
Saaffiginnittorpassuarnullu sullissinerup saniatigut Akileraartarnermut Aqutsisoqarfik aamma allamik suliaqarpoq.
Aqutsisoqarfimmi soraarnerussutisianut aningaasaateqarfimmik, innuttaasunut soraarnerussutisiassanut aaqqissuussaqanngitsunut aaqqissuussanik pilersitsiffigisinnaasaminik, atorfissaqartitsivoq.
AAMMA ATUARUK 6000-it soraarnerussutisiassanut akiliinerussasut
Aqutsisoqarfiup soraarninngornissamut katersuisussaatitaanermut piumasaqaatinik naammassinnissimanngitsunut akileraaruteqarnerunikkut akileqqusani taakkununnga ilisinnaavai.
Soraarnerussutisiaqalernissamut inatsit aporfiusoq
Soraarnerussutisiaqalernissamut aningaasaateqarfiup SISA-p soraarnerussutisiaqarnissamut aaqqissuussinermut pinngitsoorani ilaanissamik aqutsisuunissani pillugu Namminersorlutik Oqartussanik ukiuni qulini atuuttussamik isumaqatigiissuteqarluni 2018-imi aggustimi nalunaarutigaa.
Tamatumunnga atatillugu, SISA inatsisinik malinnilluni sullitani amerlisillugit nunatsinni tamaneersut sullisisinnaanerluni aningaaserivinnik nakkutilliisunut nalileeqqusivoq
AAMMA ATUARUK Soraarnerussutisiaqarnissamut aaqqissuussineq SISA-mit aqunneqassasoq
Inatsisilli naapertorlugit soraarnerussutisianut aningaasaateqarfiup sullitai arlaatigut ataatsimoorussaqassapput, soorlu assersuutigalugu suliassaqarfimmi assingusumi sulillutik imaluunniit assinganik isumaqatigiissuteqarlutik. SISA-llu inatsisit taamani atuuttut naapertorlugit sullinniakkani tamaasa sullissinnaanngikkai aningaaserivinnik nakkutilliisut taamani naliliivoq.
Suliariumanittussarssiuusseqqpput
Taamaammat Namminersorlutik Oqartussat suliariumannittussarsiuusseqqipput. Taanna jannuaarip ulluisa 15-ianni ulloqeqqanut killeqarpoq. Afgørelsen for udbuddet offentliggøres efter planen senere på måneden,
Suliariumannittussarsiuussinermut aalajangerneq pilersaarutit malillugit qaammatip naalernerani pisortatigoortumik saqqummiunneqassaaq, isumaqatigiissut suliffeqarfimmik isumaqatigiissuteqarfigineqartumik atsiorneqassalluni.
Suliariumannittussarsiuussineq naammassippat isumaqatigiissuteqartoqareerpallu, akileraarutip procentiata qaffanneranit akiliutigineqartut soraarnerussutisianut aningaasaateqarfimmut nuunneqarumaartut, Akileraartarnermut Aqutsisoqarfiup paasissutissiissutigaa.
SISA aqutsisuusinnaanngitsutut siusinnerusukkut nalilerneqamat, suliarinnikkumasunut ilaassanngitsoq immaqa eqqarsartoqarsinnaavoq. Taamaanngilarli. Inatsimmummi tapiliussaq Folketingimit decembarimi akuersissutigineqarpoq, SISA-lu taamaalilluni nunatsinni innuttaasut tamarmik soraarnerussutisiassaannik aqutsisuunissaminut periarfissaqalerlun