Solarolie 75.000 liter Kangaatsiap umiarsualivianit aniasoorpoq

Solarolie tankimit immamut aniasiamavoq, tanki taanna immamit 30 meterinik ungasitsigisumiippoq. Qatserisartut politiit Polar Oil -imilu sulisut uuliap aniaffigisaa immamiittoq assersorpaat, qallorneqarsinnaasorlu qallorneqarluni. Uulia qanoq annertutigisoq aniasimanersoq eqqortumik oqaatigineqarsinnaanngilaq, naatsorsuutigineqarlunili 75.000 literit missaannik annertutigisoq aniasimassasoq.

Solarolie 13.100 literinik annertutigisoq qallorneqarpoq, qatserisartut maannakkut aput 3 aamma tonsinik oqimaassuseqartoq nivallugu katersorpaat, aput taanna uuliamik milluaatinneqarpoq.

Solarolie annikitsoq Kangaatsiap umiarsualiviata imartaanittoq katersorneqarpoq, uulia aniasoortoq Kangaatsiamit avannamut 1,5 kilometerinik avannarpisitsigisumiippoq.

Uulia immamut aniasoortoq qallorneqarsinnaanngitsorlu silaannguukkumaartoq oqaatigineqarpoq.

Taamaattorli Kangaatsiami solaruuliasunninnernera piffissami aninnermi naamaneqarsinnaassaaq. Ikuallannissamulli aarlerinartorsiortoqanngitsoq, Johan Høegh Hansen oqarpoq. Solarolie qanoq ililluni tankimit aniasimanersoq politiinit maannammut paasineqanngilaq, tamannalu maannakkut paasiniarlugu misissuisoqarpoq, isumannaallisaanermullu pisortaq Johan Høegh Hansenip naatsorsuutigaa, qaammatip tulliata ingerlanerani paasineqarumaartoq.