Kim Kielsen: Socialdemokraatit suleqatiginissaannut periarfissaqarluarpoq
![](/sites/default/files/styles/image_934x467/public/article_images/7r9a6091.jpg?itok=RIw1sNHK)
Danmarkimi naalakkersuisuulersut socialdemokraatinik siuttoqartut isumaqatigiissutaanni nunarput titarnernik marluiannarnik eqqaaneqarpoq. Taannalu siammasissumik suleqatigiinnissamut ammaassimmat naalakkersuisut siulittaasuata Kim Kielsenip nuannaarutigaa.
- Taaneqarsimammat nuannaarutigaara aammalu oqaasertaliussimasat taakkua nuannersumik inerititaqarfiusumillu oqimaaqatigiittumillu ikioqatigiilluni suleqatigiinnissaq oqariartuutigimmassuk, Naalakkersuisut siulittaasuat Kim Kielsen oqarpoq.
AAMMA ATUARUK Løkke til Mette Frederiksen: Nøglerne er kun til låns
Danmarkimi Naalakkersuisuulersussat Naalagaaffeqatigiinneq pillugu ilaatigut ima allassimapput:
"Kalaallit Nunaat Savalimmiullu peqatigalugit Danmarkip akisussaaffeqarfigisai ineriartortissavagut."
Suleqatigiinnissamullu Danmarkip tungaanit kisimi aalajangiiffigineqarani nuantsinni aalajangeeqataaffigineqarnissaanut tamanna aqqutissiuisoq naalakkersuisut siulittaasuat isumaqarpoq.
- Taava taamaalilluta naalakkersuisut qanimut suleqatigiilluta suliassat assigiinngitsut tikissinnaavagut, imaanngitsoq qallunaat nunaanni taakku partiit sisamat isumaqatigiissutaat najoqqutaralugu. Naagga, uagut naalakkersuisut soqutigisagut tassani apuussinnaassagatsigit, Kim Kielsen oqarpoq.
AAMMA ATUARUK Isumaqatigiinniarnerit Mette Frederiksenimut artornassasut