USA-mi inuit coronavirusimik tunillanneqarsimasut amerleriarpiloortut
USA-mi naalagaaffinni marlunni coronavirusimik tunillanneqarsimasut sapaatit akunnerata siuliata ingerlanerani 50 procentit sinnerlugit amerleriartut.
Tunillatsissimasut Floridami Connecticutimilu amerliartornerpaapput.
Allattoq Ritzau
oktobarip 19-at 2020 09:48
Nutserisoq Mads Lynge
Coronavirusimik tunillanneqarsimasut amerliartorpallaarunnaarlutik pissutsit isumalluarnarnerulerput.
USA-p præsidentia Donald Trump naalagaaffimmi Nevadami tapersersortiminut sapaammi oqalugiarluni taama ilaatigut oqarpoq.
AAMMA ATUARUK Donald Trump angerlartitaareerluni: Coronavirusi ersigissanngilarsi
Coronavirusimilli tunillanneqarsimasut USA-mi naalagaaffiit 50-it akornanni 48-ni sapaatit-akunnerata siuliata ingerlanerani amerliartortut kisitsisit nutaat takutippaat.
Naalagaaffinni Vermontimi Missourimilu taamaallaat ikiliartulaalersimapput. Aviisi The Guardian taama allappoq.
Tunillatsissimasut Floridami Connecticutimilu amerliartornerpaapput.
