Slettemark IBU Junior Cupimi angusarissaarluaqqittoq

Sisoraaserluni ooqattaasartoq, Ukaleq Slettemark nunat tamalaat akornanni angusarissaaqqippoq.
Assi © : Uiloq Slettemark
Assi © : Uiloq Slettemark
Assi © : Uiloq Slettemark
Allattoq Anton Gundersen Lihn
decembarip 17-at 2018 16:47

Tassami Schweizimi sapaatip akunnerata naanerani IBU Junior Cupertoqarnerani isorartunerpaamik (12,5 km) unamminermini 10-nngorpoq.

Ooqattaasarneq pingaartumik angusaqarluarfiuvoq. Ooqattaasarnermi eqqarnernit 20-nit ataasiaannarluni uniuivoq. Taamaalilluni sisoraaserluni ingerlaarnermini sukkassusaa angusaanut annikilliisuulluni.

AAMMA ATUARUK Ukaleq Slettemarkip nunarsuarmi pissartanngorniuunnissamut piumasaqaatit naammassigai

- Angusakka nuannaarutigisorujussuuakka. Ataatsimik uniornera uggorilaarpara, ooqattaasarnertaa ajunngitsorujussuugaluarpoq eqqarnerilli tamarmik qaffasitsinneqarput, Ukaleq Slettemark oqarpoq.

IBU Junior Cupimi peqataasut 22-nik ukiullit tungaannoorpoq, taamaammat kalaaleq 17-inik ukiulik ukiukinnerit ilaanniippoq.

AAMMA ATUARUK Ukaleq har en stor fremtid internationalt

Ukaleq Slettemark sapaatip akunnerata naanerani isorakitsumut ujakkaarnermi (7,5 km) aamma peqataavoq. Tassani normu 33-nngorpoq, qulinillu eqqarnermini marlunnik uniuilluni.

IBU Juni Cupimi unamminissap tullia Frankrigimi decembarip 21-anni 22-annilu pissaaq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk