Slagelsemi toqutsisoq ukiuni 12-ini parnaarussassanngortinneqarpoq
Aammattaaq pisumi allami arnaatiminik persuttaasimasut pineqaatissinneqarpoq. Aggustip pingajuani ullaakkut nal. arferngup missaani arnaatini niaquta tunuatigut tillussimavaa qitiatigullu nukerlugu. Arnaataa atisaqarani inissiamit qimaasimavoq illorsuullu tunuata silataanukarluni.
Eqqartuunneqartoq toqutsisimannginnerarpoq, Næstvedimilu Eqqartuussimavimmi nassuiaavoq arnap siorna septembarip 21-iani toqunera ajutoornikkut pisimasoq. Unnuakkut ataatsip eqqaani igatilluni arnaatiminik saassuunneqarsimanerarpoq, ajutoornikkullu savimmik sakiaatigut kapisoorsimanerarpaa. Ikiligaanini kingorna napparsimmavimmi toqussutigaa.
Pisoq sioqqullugu marluullutik imigassartorsimapput, takunnittullu eqqartuussivimmi oqaluttuarput aappariit ullup unnuullu ingerlanerani arlaleriarlutik kamaassimasut.
Arnaq toqunissi qaammamik sioqqullugu aapparisanilu qitornartaasimapput, aamma allamik ataatalimmik qitornaqarpoq
