Sky Greenland ingerlatsinermut akuersissutaaruttoq
Gert Braskip Hollandimi timmisartortitseqatigiiffik Denim Air ukioq manna januaarip qaammataani pisiarimmagu, akiitsunik akiligassaqarfiit arlariit, sulisut 50-it timmisartunillu attartornissamik isumaqatigiissutit arlallit kiisalu timmisartortitseqatigiiffimmik ingerlatsinermut akuersissut pigilerpai.
Check-in.dk-li naapertorlugu ingerlatseqatigiiffik kingorna ataasiinnarmik timmisartuuteqalerpoq, Hollandimilu silaannakkut angallannermut oqartussaasut ingerlatseqateqatigiiffiup ingerlatsinermut akuersissutaa sisamanngormat utertissimavaat.
AAMMA ATUARUK Sky Greenland nunatsinni angalasussanik timmisartusisoq
- Sky Greenlandip piginneqataassutini tunivai, taamaammat Denim Air sapaatit-akunneranni uani attuumassuteqarfigiunnaarpara. Accountable manageri (qullersaq, aaqq. ) allalu ingerlatseqatigiiffimmit anisippakka ILT-lu (Hollandimi silaannakkut angallannermut oqartussaasut, aaqq.) peqqullugu akuersissutaasoq atorunnaarsikkallassagaa, Gert Brask check-in.dk-mut taama ilisimatitsivoq.
Sky Greenland Gert Braskimit siuttuuffigineqartoq Danmarkip Nunattalu akornanni akikitsumik angallassinissaq siunertaralugu pilersinneqarpoq, taamatulli anguniagaqarneq soorlu maanna ungasilleriaqqittoq.
AAMMA ATUARUK Brask overtager Denim Air
