Skateboarderneq breakdancernerlu OL-imi unammissutaasalersinnaasut
Skateboardertarneq breakdancertarnerlu Parisimi 2024-mi OL-ertoqarnissaani taava unammissutaasalersinnaassapput.
Parisimi OL-ertoqarnissaanut timersuutit suut ilaatinneqassanersut, IOC-p aappaagu 2020-mi decembarimi aalajangissavaa.
Arnat angutillu assigiimmik timersuutini nutaani taakkunani pineqarsinnaanerat, timersuutillu taakku inuusuttunut tulluarsagaasut, IOC-p præsidentiata Thomas Bachip oqaatigaa:
- Timersuutit sisamat pineqartut aqqutigalugit inuusuttut attaveqarluarfigilersinnaassavavut, Thomas Bach oqarpoq.
Naallu Korea Avannarliup Kujalliullu akornanni politikkikkut pissutsit pitsaavallaanngikkaluartut, timersortartut nunanit taakkunaneersut ikiorniarlugit suleqatigiilluartilerniarlugillu IOC-p timersuutit nutaat eqqunneqarnissaasa saniatigut sulissutiginiarpaa.
