Siverth K. Heilmann Atassutip siulersuisuini
Partiimi naalakkersuinikkut siulittaasup tulliatut qinerneqartoq tassaavoq Siverth K. Heilmann, taannalu Atassutip Inatsisartuni ilaasortaatitaasa aapparaat. Siverth K. Heilmann Inatsisartunut 1995-imi qinigaaqqaarpoq. Taamanimiillu Inatsisartuni ilaasortaanermi saniatigut, ilaatigut naalakkersuisunut ilaasortaallunilu aamma Maniitsumi borgmesteriuvoq.
Atassutip siulittaasua Gerhardt Petersen tusagassiuutinut nalunaarummini allappoq, taamaalilluni aamma immikkoortortaqarfiit ilaasa saqqummiussaat Atassutip siulersuisuunerisa tusarniarsimagaat, tassalu politikkikkut qinikkamik Inatsisartunilu ilaasortamik politikkikkut siulittaasumut tulleqalerlutik.
Partiip taassuma ilungersunartorsioqisup, Inatsisartut upernaakkut ataatsimiinnissaannut oqaluuserisassatut siunnersuutini tamaasa, Inatsisartut siulittaasoqarfiannit akueritinngitsoorpai. Tamannarpiarlu pissutigalugu Steen Lynge siulittaasup tulliatut tunuarpoq, Atassutillu immikkoortortaqarfii sakkortuumik isornartorsiuillutik.
