Siunnersuisoqatigiit aarluttunnginnissamik inassuteqartut
Siunnersuisoqatigiit taamaalillutik nunarsuaq tamakkerlugu, ilaatigut Tasiilap eqqaani, aarlunnik misissuinerujussuarmi inassutigineqartumut tapersiipput.
Tunumi aarluit avatangiisinut mingutsitsisumik PCB-mik kviksølvimillu timiminniititaqartorujussuusut misissuinermi paasineqarpoq.
Taamaammat aarluit inunnit nerineqannginnissaat ilisimatuut misissuisuut inassutigaat. Tamannalu Nerisaqarnermut Timigissarnermullu Siunnersuisoqatigiinnit maanna taperserneqarpoq.
AAMMA ATUARUK Østgrønlandske spækhuggere er fyldt med gift
- Aarlunnik nerineq inunnik ima mingutitsitigisinnaavoq kinguaariit tulliuttut kingunerlutsitsisinnaallutik. Taamaattumik aarluit inunnit nerisarineqannginnissaat siunnersuutigineqarpoq, Nerisaqarnermut Timigissarnermullu Siunnersuisoqatigiinni siulittaasoq Gert Mulvad allappoq, nangillunilu.
- Meerartaarnissamik kissaateqartut kaammattuut tamanna eqqumaffigeqqissaartariaqarpaat, mingutsitsinerup sunniutaa annertunerpaaq kinguaariinni tulliuttuni takuneqarsinnaassammat.
PCB kinguaassiorsinnaajunnaartitsisinnaavoq hormoninullu akornutaasinnaalluni.
Tasiilap eqqaani aarlunniartarneq 2009-miilli nalinginnaasuulerpoq. Tunumili aarluit miluumasunik imarmiunik nerisaqarnerusaramik Islandimi Norgemilu aarlunnit aalisagartortuusunit mingutsinneqarnerujussuusut Nerisaqarnermut Timigissarnermullu Siunnersuisoqatigiit erseqqissaatigaat.
