Partiip siulersuisuunerisa pikisitsisoq, Henrik Fleischer parteeqatiminik aalisarnermut naalakkersuisumut, Jens Immanuelsenimut (S) pingasunngornermi tatiginnikkunnaarnermik nalunaaruteqartoq tigoqqippaat. Assi: KNR

Siumut siulittaasuata tullia: Henrik Fleischerip kukkussutini nassuerutigaa

Henrik Fleischerip naalakkersuisumut tatiginnikkunnaarnissaq pissutissaqartikkunaarpaa, siulittaasup tullia, Karl Kristian Kruse oqarpoq.

- Inuit kikkulluunniit malittarisassatsinnik malinnikkumasut assigalugit Henriup uterteqqinnissamik nalunaaruteqarnera tigunikuuarput, Karl Kristian Kruse (S) KNR-imut oqarpoq.

Taamaalilluni Siumumi ulluni kingullerni eqqissiviilliortoqarnera kiisami naammassivoq.

Suliaq naatsumik

- Inatsisartut aalisarnermut ataatsimiititaliaata aalisarnermut naalakkersuisoq Jens Immanuelsen (S) tatigiunnaarlugu Henrik Fleischer siuttoralugu tusagassiuutinut pingasunngornermi februaarip 19-iani nalunaarutigaat.

- Henrik Flerischer (S) Aalisarnermut ataatsimiititaliami siulittaasuuvoq. Taannalu ataatsimiititaliami kisiartaalluni tatiginnikkunnaarnermik nalunaarummik atsiortuuvoq.

- Taamatut pisoqareernerata kingorna Henrik Fleischer Siumumi ilaasortat ilaannit isornartorsiorneqarpoq.

-Sermitsiaq.ag-p Henrik Fleischer Siumumit anisitaasimasoq sapaatip-akunnerata naanerani allaaseraa. Tusagassiorfiup tusarfik kinaassutsiminik isertuussisoq paasissutissiisoraa.

- Henrik Fleischerip suna tamarmi paatsuuinerusoq KNR-imut oqaatigaa.

Partiip siulersuisuunerisa pikisitsisoq, Henrik Fleischer parteeqatiminik aalisarnermut naalakkersuisumut, Jens Immanuelsenimut (S) pingasunngornermi tatiginnikkunnaarnermik nalunaaruteqartoq tigoqqippaat.

KNR-ip Henrik Fleischerimit Siumullu siulersuisuanit ulluni marlunni tulliuttunilu oqaaseqartitsiniarneq iluatsissimanngilaa. Jens Immanuelsenilli tatiginnikkunnaarnermik nalunaaruteqarneq tallimanngormat eqqissisimasumik tiguaa:

- Taamatut oqitsigisumik tatiginninnginnermik oqariartortoqarnera akuerinngilara. taamaattumik oqaluttarfimmiit minnerpaamik takorusuppara tatigineqannginnera. taannalu arlaataluunniit qaqissagaluarpagu, tassami aalajangerneq ataqqinnillunga tigujumaarpara, aalisarnermut naalakkersuisoq KNR-imut tallimanngormat oqarpoq.

Fleischer: Tamanna tamatta ilinniarfigisariaqarparput

Henrik Fleischerili aalisarnermut naalakkersuisumut Inatsisartut ataatsimiinneranni tatiginnikkunnaarnermik taasititsinianngilaq.

- Piffissami kingullermi pisut tamatta ilinniarfigisariaqarpavut, Henrik Fleischer oqarpoq.

AAMMA ATUARUK Naalakkersuisoq: Taama oqitsigisumik tatiginninnginnermik oqariartortoqarnera akuerinngilara

Aalisarnermut ataatsimiititaliap tatiginnikkunnaarnermik oqaaseqarnera qanoq iliuuseqarfigineqassanersoq ullumikkut oqaaseqarfigerusunngilaa:

- Taanna ataatsimiititaliami eqqartoqqinnissaa, ataatsimiititaliami tallimanngorpat ataatsimiittussaavugut, taanna oqarpoq.

Karl Kristian Kruseli qulakkeersimaneruvoq. Taassuma parteeqatini kukkussuteqarsimanerminik nassueruteqarsimanerarpaa:

- Ippassaq tusagassiuutinut nalunaaruteqartoqartoq takuara siulittaasup, Henrik Fleischerip nammineq nalunaarutaa oqaloqatigineratigut nammineq tatiginnikkunnaarnissamik tunngavissaqarani nalunaaruteqartoq, Karl Kristian Kruse oqarpoq, nangillunilu:

- Tassuuna paaasivara, tatiginnikkunaarnermut tunngavissamik amigarnerannik oqariartornerat. Taama paasilluarsinaavara - soorlu oqarpunga - taamatut nalunaaruteqarneq paatsoorneqarsinaanngisoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat