Siumumi aporaanneq Inatsisartut ataatsimiinneranni initusoq

Inatsisartut upernaakkut ataatsimiinnerat Partiit oqaaseqartartuinit iluarisimaarneqarluni naammassisutut nalilerneqarpoq.

Ataatsimiinnerli ajunngilluinnartoq sulianit allanit, soorlu tunngaviusumik inatsissamut tunngasunit, FN-imut maalaarummit, Siumumilu aaqqiagiinnginnermit qulangersimaneqartoq, politikkimik  nalilersuisartoq Aqqaluk Lynge isumaqarpoq.

Inatsisartut siulittaasuata Lars Emil Johansenip Naalakkersuisullu siulittaasuata Kim Kielsenip aporaannerit, politikkikkut sulinermik kalluisoq, immikkut maluginiagassaapput.

AAMMA ATUARUK Siumumi isumaqatigiinnginnerit qinersisartut tatiginninnerannik innarliisinnaasoq

- Inatsisartut siulittaasuata Naalakkersuisut siulittaasuata parteeqatigiikkaluarlitik akunnerminnik assortuuttarnerat saqqummertarneratigut assut ilaanni oqartussaaffiit taamatu avissimanerannik tunngasumik pisoqarsimanera eqqarsarnartoqartarpoq, tassami inatsisartut siulittaasoqarfiat tamanut sullissisuuvoq, Aqqaluk Lynge taama oqarpoq.

Naalakkersuisooqatigiit iluanni aamma unammillernartoqartarpoq. Inatsisartut siulittaasut Lars Emil Johansen imaluunniit Naalakkersuisut siulittaasuat Kim Kielsen isumaqatigiingileraangata naalakkersuisoqataasunut Inuit Ataqatigiinnut Partii Nalerarmullu pisarisersuutaasarpoq, arlaammi tusaassanerlugu nalornilertaramik.

AAMMA ATUARUK Siumumi aporaannerit imaaginnavipput

Tassalu Kim Kielsen Siumumi aasaru ataatsimeersuarnermi siulittaasutut ingerlaqqinnissaa aalajangerneqarpat, taamaalillunilu Naalakkersuisuni siulittaasuiinnarpat, tamanna Lars-Emil Johansenip inisisimaffiamminik nigortertariaqarneranik kinguneqarsinnaavoq:

- Taamatut oqartussaaffinnik taama pingaaruteqartigisunik Inatsisartut siulitaasoqarfiani siulittaasuuneq aammalu naalakkersuisuni siulittaasuuneq taakkua imminnut aporaatinnginnissaat, Naalakkersuisunili Inatsisartunilu qanoq pisoqarumaarneranut, Siumup aasaru atatdsimeersuarnerani qanoq pisoqassanersoq apeqqutaasoq, Aqqaluk Lynge oqarpoq.

AAMMA ATUARUK Lars-Emil Johansenip isornartorsiuinera pissusissamisuunngilaq

AAMMA ATUARUK Lars-Emilip partiimi siulittaasua isornartorsiorpaa