Siumut Nuuk qineqqusaarnissanut piareersarpoq
Nuummi Asii Chemmitz Narup IA-meersoq borgmesteriuvoq, Siumulli naapertussagaanni kommunimut qinersisoqareerpat tamanna allanngortinneqassaaq. Taamatut suliniuteqarnissamut partiip immikkoortortaa kommunimut qineqqusaarnissaminik aqutsisussanik siulersuisunik nutaanik toqqaasimavoq.
Qineqqusaarutissanik pingaarutilinnik aamma toqqaasoqarsimavoq, Siumullu ilaatigut aalisartut piniartullu suleqatigineqarnerannik nukittorsaarusuppoq, Siumullu inuusuttut suleqatigalugit, inuusuttunut atugaasa ersarissarnissaannik pitsanngorsarnissaannillu suliniuteqarniarpoq.
Siumut Nuummi siulersuisut tassaalerput:
siulittaasoq Per Rosing, siulittaasup tullia Vittus Jeremiassen aningaaserisorlu Bent Møller. Siulersuisunut ilaasortat tassaapput Martha Abelsen, Peter G. Davidsen, Martha Lund Olsen aamma Mette R. Larsen, sinniisussatullu toqqarneqarput Saxtorph Didriksen, Tom Ostermann aamma Monica Dorph.
