Politikki

Siumup inuusuttai nutaamik siulittaasoqalerput

Nunarput politikkikkut aqunneqarnera pitsaanerulersinniarlugu inuusuttut amerlanerit politikkimut soqutiginninnerulersinnissai siulittaasup nutaap anguniarpaa.

Allattoq Sara K. Jakobsen, Jonas Løvschall-Wedel

juulip 09-at 2016 15:23

Steve Olsvig Sandgreen, Qasigiannguaneersoq, SIS-imi siulittaasunngorpoq, siulittaasuusimasoq Konrad Boye taarsiullugu.

- Inuusuttut amerlanerusut politikkimut soqutiginnitsilerusuppakka taavalu SIS-ip malunnarnerunissaa anguniarlugu, SIS-imi siulittaasunngortoq Steve Olsvig Sandgreen oqarpoq, nangillunilu:

- Ataatsimeersuarnitsinni Siumup inersimasortai pikkorissarmata, kajumissaarpakka aggerfimminni inuusuttut soqutigisallit politikkimut inuiaqatigiilerinermullu ujaaseqqullugit, Steve Olsvig Sandgreen oqarpoq.

Aamma atuaruk SIS: Qinersisinnaatitaasut ukiuisa killingat appartinneqassanngilaq

SIS-imut siulittaasumik qinersisoqarnerani siulittaasup tullersortissaanik aamma qinersisoqarpoq, Malik Knudsenilu Narsaminngaanneersoq taaneqarluni.

Siumut inuusuttaanni ilaasortat tallimat ataasinngorpat Italialiartinneqassapput.

Young European Socialistsimik taaguuserneqartumi, illoqarfimmi Siciliami pisussami, inuusuttut politikerit nunarsuarmi tamaneersut naapisimaartinneqassapput, tassanilu nunanut allanut tunngasunut pikkorissartinneqassallutik.