Siumup qinersinermi ajugaanera Thorningip nuannaarutigaa
- Naalakkersuisunngortitsiniarnermi qanoq pisoqassanersoq utaqqimaassavarput, Helle Thorning-Schmidtip qinersinerup inernerata pillugu oqaaseqaaqqaanermini oqarpoq.
Danskilli ministeriunerata suliniutit angisuut pillugit inatsisip tassungalu atatillugu danskit inatsisiliornikkut sulinerannut qanoq sunniuteqassanersoq isummerfigissallugu siusippallaarsoraa.
- Kalaallit Nunaanni naalakkersuisunngortitsinissaq utaqqimaassavarput, naalakkersuisunngortussallu suliniutit angisuut pillugit inatsit isummerfigissavaat.
- Tamannarpiaruna aamma pissutigalugu inatsisissatut siunnersuut Folketingimi saqqummiutinngikkipput. Tamanna pillugu isornartorsiorneqarpugut, Kalaallit Nunaanni qinersinerup naammassineqarnissaanik utaqqisimanitta silatusaarnerusimaneranik takutitsiinnarpoq.
- Suliniutit angisuut pillugit inatsit allaanerusoq tunngavigalugu Københavnimi inatsisissatut siunnersuuteqarnitsinni tunngavigissagutsigu iluaqutissartaqanngilaq, Helle Thorning-Schmidt, ritzau naapertorlugu taama oqarpoq.
