Sisimiut Tusaataat Nuuk FM-ilu matoqqagallartut
Suliaq Nunatta Eqqaartuussivianut Sisimiut Tusaataanni aqutsisunit ingerlateqqitassanngortinneqarmat Sisimiut Tusaataat Nuuk FM-ilu matoqqagallartinneqarput, suliap ingerlanerani matoqqagallassallutik, tassa aalajangiisoqarnissaata tungaanut matoqqagallassallutik.
Pisortaq Jens Klaus Lennert taama nalunaaruteqarpoq.
Aamma atuaruk Sisimiut Tusaataat suli 5 millionit koruuninik akiitsoqarpoq
Sisimiut Tusaataata Nuuk FM-illu lotteriafgiftimut, A-skatimut allanullu akiitsutoqaat katillugit 2,3 millionit koruunit matumani pineqartut nalunaarutigaa.
Akiitsut akilerneqarnissaannut isumaqatigiissut 2013-imeersoq aallaavigalugu naafferarlugu akilersuisoqareerneratigut akiitsut 1,5 millionit koruuninut appartinneqarsimasut nalunaarutigineqarpoq.
Jens Klaus Lennertillu ilanngullugu oqaatigaa Sisimiut Tusaataat Nuuk FM-ilu lotteriafgiftimut A-skatimullu ukiut taakku ingerlaneranni millionilikkaanik akilersuisimallutik.
Nammineq akilersuinikkut Sisimiut Tusaataannullu akiitsullit ilanngullugit naatsorsorneqarnerisigut tamanna pisimasoq Sisimiut Tusaataata pisortaata ilanngullugu oqaatigaa.