Sisimiut talittarfittaavat iluarisimaarneqarpoq
Pitsanngoriaataasut pingaarnerit ilagaat takornariat containererpassut, kranit truckillu taliffarfimmiittut uiarteqqaartariaarummatigit. Takornariat taamaaliornikkut qajartortartut peqatigiiffiata illuutaa, umiatsiaaqqat pittuttarfiat sanaluttarfillu sanioqqullugit illoqarfiliartinneqarsinnaalersimapput.
-Takornariat pisuttuartussat taamaalilluta isumagilluarsinnaanngorpagut. Bussit angallassisussat umiarsuup killinganut unissinnaanngorput, tamannalu assut iluarpoq, ilaasummi ilarpassui utoqqaapput pitsorluttuullutillu, Ivik Knudsen-Ostermann Greenland Cruisesimeersoq oqaluttuarpoq.
Umiarsuarnik takornariartaatinik ingerlatsisut aamma talittarfittaaq, kommunimi innuttaasut akileraarutit 1 %-imik qaffannerisigut nammineq akiligaat, iluarisimaartupilussuuaat. Takornariat ajunngitsuinnarnmik tusagaqarfigisarpagut.
-Taliffarfik inissaqartitsilluanngitsuuppat, isumannaallisaaneq pitsaasuunngippat, tikikkuminanngitsuuppat, imermik orsussamik kiffartuunneqarnissamut periarfissat pitsaasuunngippata taamarsuaq iluarineqartigissanngikkaluarpoq. Talittarfittaarnitsigut aamma umiarsuarnik nunamit kiffartuussinermik pitsaanerulluinnartumik tunniussisinnaanngorpugut, umiarsuaatileqatigiiffiillu arlallit oqaatigaat umiarsualivik silarsuarmi pitsaanerpaat ilagigaat, Frank Mieth Sisimiuni Blue Waterimeersoq oqarpoq.
