Sisimiut Kangerlussuarlu sakkortusaaviup attaveerunneranik eqqorneqaqqipput
- Sunarpiaq ajornartorsiutaanersoq suli paasinngilarput, teknikerilli sakkortusaavimmut apuuteriarpata paasissavarput.
- Qujanartumik sila ajoquteqanngilaq, pilertortumillu apuunnissaat ilimanarluarpoq, TELE-POST-imi teknikeri Karl Erik Birkholm nassuiaavoq.
AAMMA ATUARUK Sisimiuni Kangerlussuarmilu nalunaarasuartaatitigut attaveqartoqarsinnaanngilaq
Teknikerit marluk taartissallu Nuummiit nal. 11.45 timmisartumik aallarput, Sisimiunilu helikopterimut ilaaffissaat utaqqilluni, Qaqqatoqqamullu ataatsip qaangilaaraa tikipput.
Sakkortusaaveqarfik Qaqqatoqaq innaallagiaqarpoq
Attaveerunneq innaallagiaarunnermit pisimanngitsoq paasineqarpoq, atortussallu ilaat taarsersorneqarlutik. Telemi attaveqatigiinnermi suleqataasoq Anne Rønne KNR-imut oqarpoq.
Ajutoornerup kingunerisaanik sinerissami KNI-ip pisiniarfiini tamani akiliutinik akiliiniarneq ajorpoq. TELE-POST aamma KNI massakkorpiaq suliniuteqarpoq ajornartorsiutip sukkanerpaamik aaqqiiffigineqarnisaa.