Sisimiuni umiarsualivik ilaneqassaaq
Qeqqata Kommunea sanaartornermilu suliffeqarfik Aarslef-Permagreen Sisimiut umiarsualiviata ilassutissaanik sannaartornissamut isumaqatigiissummik atsioqatigiipput.
Sisimiuni umiarsuliaviup ilassutissaata aningaasalersorneqarnissaa ukiarmi inissipoq, Qeqqata Kommuneani akileraarut procente-mik ataatsimik qaffanneqarnissaa aalajangiunneqarmat, naak Qeqqat Kommuneani illoqarfiup aappaani Manitsumi akerlerineqaraluartoq.
Umiarsualiviup ilassutissaata sannaartorlugu aallartinnissaa sivisujunnaarpoq.
Qeqqata Kommuniata suliffeqarfiullu Arlslef-Permagreen-ip naatsorsutigaat umiarsualiviup ilassutissaata suliarineqarnera ukiup naalernerani naammassineqarumaartoq.
Qeqqata Kommuniane borgmesterip Hermann Berthelsenip umiarsualiviup ilassutissaanik sanaartortunik suleqateqarnissani qilanaaraa.
Ukiuni arlaqalersuni nunatsinni umiarsualivimmik sanaartortoqarsimanani Sisimiuni umiarsualiviup ilassutissaannik sanasoqalerpoq.
Sanaartornissamut isumaqatigiissutip saniatigut umiarsualiviup ilassutissaanik sanaartorneq aningaasatigut isumatusaarfiuneruvoq sanaartortitsinermilu piffissaarititaasoq sukangasumik pilersaarusiorneqarsimanera tupaallatsippaatigut Qeqqata kommunian borgmesteri Hermann Berthelsen oqarpoq.
Umiarsualiviup ilassutissaata sanaartorneqarnera naammaseriarpat, ummiarsuit nioqqutissanik assartuisut, kilisaatit, uuliasiortut umiarsuaat, umiarsuillu takornarianik angallassisut decemberip qaammaaani Sisimiuni umiarsualivianut talissinnaanissaannut neqeroorutigiisinnaavarput, Hermann Berthelsen oqarpoq, tamatumalu kingunerissavaa umiarsuit Sisimiut avaqqutiinnarlugit ingerlaartarunnaarnerannik.
Suliffeqarfiit Aarsleff aamma Permagreen siullermeerlutik suliamik ataatsimoorussamik suliaqarput.
Aarslef umiarsualivinnik sanaartornermik Danmark-imi Estland-imilu misillittagaqarput, Permagreen nunatsinni sanaartornermik suliaqartut annertunersaraat, nunatsinni sanaartukkanik annertuunik misilittagaqarluartuulltuik.
Aarsleff/Permagreen-imit neriutigineqarpoq siunisami Kalalallit Nunaanni amerlanerusunik umiarsualiortoqassasoq.