Sisimiuni timersornikkut unamminartut nutaat

Sisimiuni suliniut ”Nalunnguarfik – Illoqarfiup illoqannginnersaa" sivisuumik sulissutigineqarsimavoq. Ilaatigut silami timigissartarfissuaq siorna aasakkut atoqqaartinneqarpoq, pinnguartarfittaallu silami illoqannginnersami napparneqarnera innuttaasut takornariallu timersornerulernissaannut alloriarnerit tulleraat.

-”-Nalunnguarfik – Illoqarfiup illoqannginnersaa, arlaatigut sammisaqarfigissallugu soqutiginarsigaluttuinnarpoq. Pinnguartarfiullu nutaap sumiiffimmi sammisassat ilagujai. Kommunimi innuttaasutut inuusutut utoqqaallu sunngiffiisa nalaanni pitsaasumik susassaqartitsinissamik suliniutitsinnut taanna naleqqulluinnarpoq. Sumiiffik qanorluunniit ukiulinnut arlaannillu sammisaqarusuttunut periarfissaqarfiullualerpoq, Teknikkeqarnermut avatangiisinullu ataatsimiititaliami siulittaasoq Hans Frederik Olsen taama oqarpoq.