Sisimiuni tillinniat sisamat tigusarineqartut

Sisimiuni Pisiffimmut sapaatit-akunnerata siuliata naanerani tillinniartut politiinit tigusarineqarput.

Allattoq Simon Uldum -

septembarip 12-at 2016 10:45

Qeqqata Politiivi, Sisimiut, tusagassiorfinnut naatsumik nalunaaruteqarlutik allapput, Sisimiuni Pisiffimmut sapaammi septembarip sisamaata ataasinngornerullu septembarip tallimaata akornanni unnuakkut tillinniartoqarnerata paasiniaaffigineqarneratigut angutit inuusuttut sisamat 17-init 21-nut ukiullit tigusarineqartut.

- Tigusarineqartut tillinniarsimallutik nassuerutigaat. Tigusarineqartut angerlarsimaffiini misissuinermi tillitat ilaat politiinit nassaarineqarput, politiini nunap immikkoortuani pisortaq, Johan Davidsen, taama allappoq.

Aamma atuaruk Sisimiuni nalituunik tillinniartoqartoq

Sisimiuni Pisiffimmut septembarip sisamaani tillinniartoqarnerani iPadit marluk, Samsung tabletit marluk, mobilit iPhonet Samsungillu 14-it tillinneqarput. Aammattaaq imigassanik kimittuunik sikaratsinillu tillittoqarpoq.