Sisimiuni nalituunik tillinniartoqartoq

Sisimiuni politiit ullumi ataasinngornermi septemberip ulluisa tallimaanni Pisiffimmi tillinniartoqarsimaneranik nalunaarfigineqartut, Politikommissæri Karl Jørgen Lennert tusagassiutinut allappoq. 

Sisimiuni Pisiffimmut tillinniarneq unnuakkut nalunaaquttap 02:13-p 03:39-llu akornanni pisimavoq kalerrisaarullu aallartissimalluni.  

Politiit takunnissimasinnaasunit ikioqqullutik nalunaaruteqarput. 

iPad-it marluk, Samsung tabletit marluk kiisalu oqarasuaatit angallattakkat iPhonep Samsungillu katillugit 14-it Pisattani tillinneqarsimapput. 

Imigassat kimittuut tupallu aamma tillinneqarsimapput, qanorlu amerlatigisunik tillittoqarsimanersoq suli ilisimaneqarani. 

Politiit mianersoqqussutigaat tillitat aningaasannanniutigalugit tuniniarneqaratarsinnaammata. 

Erseqqissaatigalugulu tillitanik pisisoq pinerluttulerinermut inatsit tunngavigalugu pineqaatissiisoqarsinnaammat. 

Tillinniarneq pillugu ilisimasaqaraanni Politiit 70 13 22-mut attavigineqarsinnaapput.