ASSIT Sisimiuni qimussimik sukkaniunneq

Sisimiuni ukiumoortumik qimussimik sukkaniunneq sapaatit-akunnerata naanerani ingerlanneqarmat illoqarfimmiorpassuarnit isiginnaariarneqarpoq.

- Angutit ajugaarusuttut arfineq-marluk qimmillu piareersarluarneqarsimasut sila allanngoraraluartoq sukkaniunnissamut sassarput. Sisimiut Qimussermi siulittaasup Timooq Filemonsenip sukkaniunneq aallartimmagu qimussit aallaannaqaat, taamaattoq peqataasoq ataaseq anulersuinini pissutigalugu aallaqataanngitsoorpoq, Qimusseq Sisimiut tusagassiorfinnut nalunaaruteqarluni taama allappoq.

Sukkaniunnermi ajugaasoq tassaavoq Marius Inusuqtoq, taassuma piffissaq 01.49.50 atorpaa.

Sukkaniunneq pisarnertut ingerlaarfigineqartartukkut ingerlanneqarpoq isiginnaariarpassuillu takkussimapput.

Sila pitsanngoriartoraluartoq ulluni kingullerni persertarnerata aperujussuarneratalu ingerlaarfik ingerlavigiuminaallisissimavaa sukkaniuteqataasullu aputip ingerlaviginera ilungersunanaarsimanerarpaat.

Meeqqat, arnat alupaartullu apriilip qaammataani aamma sukkaniutsinneqassapput. Taakkulu allaaserineqarnerat Sisimiut Qimussip nittartagaani atuarneqarsinnaavoq.

Sukkaniunnermi inernerit

  1. Marius Inusuqtoq: 01.49.50 timer
  2. Hans Johan Kristensen: 01.52.41 timer
  3. Jonas Jessen: 02.05.31 timer
  4. Hans Marius Frederiksen: 02.15.50 timer
  5. Salik Damgaard: 02.30.50 timer
  6. Otto Mika: 03.05.11 timer
  7. Kiisalu Nuka Peter Berthelsen, siulliulluni apuukkaluartoq, ingerlavissalli naalisinneqarsimanera pissutigalugu peqataanera atorunnaarsinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat