Sisimiuni qaqqap iluani naluttarfittaalersut
Qeqqata Kommuniata issittumi 2020-mi atuilluartuunissaminik takorluugaani, Qaqqap iluani naluttarfiliassaq suliat akimorlugit suliniutaasoq nalunaarutigineqarpoq, avatangiisinut sunniinerup annikillisinneqarnissaa, ilinniartitaanerup ataqatigiillunilu ataatsimoortinneqarnissaa ilanngullugu takorloorneqarpoq:
- Qaqqap iluani Naluttarfiliassaq akimortumik suliniutitut ersarissaassaaq, atuilluartumillu ineriartortitsinissamut aqqutissiuussissalluni, Qeqqata Kommunia taama ilaatigut allaaserisaqarpoq.
Aamma atuaruk Sisimiuni meeqqat asseqanngitsumik naluttarfittaarusupput
Naluttarfissap qaqqap iluani inissinneqarneratigut nukinnik atuinerup 50 procentimik annikillisinneqarnissaa neriuutaavoq, tassami naluttarfinnut nalinginnaasunut sanilliullugu qaqqap oqorsaasinnaanera atorluarneqassammat.
Naluttarfittaassamut aningaasaliissutit ilaatigut A.P. Møller og Hustru Chastine-McKinney Møllers Fond til almene Formaalimit aningaasaliissutigineqarput, 50 millionit koruuninik aningaasaliigamik.
Qeqqata Kommunia suliniummut nammineq 7 millionit koruuninik aningaasaliivoq.
Takuuk Norgemi imatut qaqqap iluani timersortarfissualiortoqartarpoq
Takuuk Qeqqata Kommuniata tusagassiuutinut nalunaarutaa