Sisimiuni napparsimmaviup oqarasuaatai aaqqiivigineqangajalersut

Sisimiuni napparsimmaviup qarasaasiatigut atortorissaarutai tallimanngornermi ullaakkut akornuteqalerput, tamatumalu kingunerisaanik oqarasuaatit aamma akornuteqalerlutik, ambulancenut oqarasuaat ilanngullugu. Oqarasuaatinullu attaveqaatit aaqqiivigineqangajalersut napparsimmaviup tallimanngornermi ualikkut nalunaarutigaa - attaveqaatillu ataasinngorpat kingusinnerpaamik aaqqiivigineqarsimanissaat naatsorsuutigineqarluni.
Assi © : Karolina Kabat/Flickr Creative Commons
Allattoq Anton Gundersen Lihn
decembarip 14-at 2018 09:39
Nutserisoq Simon Uldum

Sisimiuni napparsimmaviup qarasaasiatigut atortorissaarutai tallimanngornermi ullaakkut akornuteqalernerisigut oqarasuaatitigut atortorissaarutit nalunaarsuiffiillu eqqugaapput.

Taamaammat Sisimiuni napparsimmavimmut attaveqarniarneq ajornartorsiorfiuvoq. Tamannalu aamma ambulancenut oqarasuaammut atuuppoq.

Napparsimmavik attaveqarfiginiaraanni ajornartoornermi oqarasuaammut 53 29 17-imut sianertoqarsinnaavoq.

Peqqinnissaqarfimmit erseqqissaatigineqarepoq saaffiginnissutinut nukingernartunuinnaq piffissamik imminimmiisoqarsinnaassasoq. Nakorsiarnissamulli inimminniinerit pilersaarutaareersut aalajangiusimaannarneqassapput, sivisunerusumilli utaqqisariaqarnissaq naatsorsuutigineqassaaq.

Taamatut ajornartorsiuteqarneq peqqinnissarfimmit ajuusaarutigineqarpoq, akornutaasullu sapinngisamik sukkanerpaamik aaqqiiviginiarneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq