Sisimiuni ikuallaariarsimaneq politiinit misissuiffigineqarpoq

Ikuallatitseriarnerlu, septemberip ulluisa arfineq aappaanni ullaasaagaa, pivoq.
Ikuallariarneqaraluartoq tassaavoq inissiaq, Ujaqqeriviup kujataata nalaannitoq, pingasunik quleriilik.
Tassani najugaqartoq Niviaq Lennert Kleist. Taassuma tupassimaqaluni pisimasoq ima oqaasertalerpaa.

- Toqqissisimananngilaq, inuunermik naleqarsinnaannera annernarpoq. Uagutsinnuinnaanngitsoq toqqissisimananngilaq, kisiannili aamma inissiami najugaqatitsinnut, Niviaq Lennert Kleist oqarpoq.

Ikuallaariarneq pimoorunneqarsimagaluarpoq, allaallu ikummassaatit imerpalasut inissiamut quleriinnik pingasunik portussusilimmut siaruarterneqarsimallutik.

- Aallaqqaamut eqqarsarnarpoq sooq uagut kisitta eqqoriarneqarsimanersugut, kisiat politiit qatserisartullu oqaloqatigineratigut paasitinneqarpugut uagut kisitta eqqoriarneqarsimanata. Paasivarput, ikummassaatinik imerpalasunik, etagiarput tamarmik kueraaffigineqarsimasut, Niviaq Lennert Kleist oqarpoq.  

Ikuallatitsisut toqutseriarsimanissaat, Niviaq Lennert Kelistimit ilimagineqarpoq.

- Ikuallaariarneq taama annertutigisoq, eqqarsarnarpoq inuartarineqarluinnariaraluarsimasugut, Niviaq Lennerth Kleist taama oqarpoq.
Sisimiuni politiiniit pisoq pillugu oqaaseqartinniaraluaratta  iluatsinngilarput, suliaq suli misissuiffigineqarmat.

Sisimiuni Politiini ulluinnarni aqutsisoq Karl Jørgen Lennertip oqaatigaa,
ikuallaariartoqareersorlu, Sisimiuni illu alla aamma ikuallariarneqarsimagaluartoq. Tassanilu nukappiaraq 12-inik ukiulik ikuallaariarsimammat, suliaq inunnik isumaginnittoqarfimmut ingerlateqqinneqarsimasoq oqaatigalugu.
Sisimiuni innuttaasut, ikuallaariarsimasumik nalunnginnikkunik Sisimiuni Politiinut saaffiginneqquneqarput.
Sisimiuni politeeqarfiup oqarasuaataata normoraa 86 42 22.