Sisimiuni ajunaarnersuaqartillugu kalerrisaarut aallartittoortoq

Kalallit Nunaanni politiit Sisimiuni ajunaarnersuaqartillugu kalerrisaarut atortutigut ajutoornermi aallartittoorsimasoq Facebookikkut sisamanngornermi unnukkut allapput.
Qatserisartoqarfimmi qamittoortoqanera pissutigalugu kalerrisaarut pissuteqanngitsumik aallartittoorsimasoq, politiit ilisimatitsissutigaat.
decembarip 13-at 2019 09:01
Nutserisoq Bikki P. Kleist

Qatserisartoqarfimmi qamittoortoqanera pissutigalugu kalerrisaarut sisamanngornermi unnukkut nalunaaqutaq arfineq pingasut missaanni aallartittoorsimasoq, Qeqqata Kommuniani upalungaarsimanermut pisortaq, Ole Kreutzmann KNR-imut tallimanngornermi ullaap tungaani oqarpoq.

AAMMA ATUARUK Ullaassaq Nuummi innuttaasut kalerrisaammik kukkunermik itertinneqartut

Kalallit Nunaanni politiit Facebookikkut sisamanngornermi unnukkut allaaserisaat, Sisimiuni ajunaarnersuaqartillugu kalerrisaarut atortutigut ajutoornermi aallartittoorsimasoq.

- Qatserisartoqarfimmi kallerup innerata qamittoorneratigut ajunaarnersuaqalernermi kalerrisaarut aallartittoorpoq, atortorissaarutitigut ajutoornermi kukkusoqaneratigut tamanna pisimasoq, politiit nalunaarutigaat.

Kalaallit Nunanni politiitt pigaartuisa kalerrisaarutip aallartittoorsimanera pillugu annerusumik oqaaseqaqqissinnannginnerarput, Sisimiunulli qatserisartoqarfimmut innersuussillutik.

Ajunaarnersuaqalernermi kalerrisaarut aallartittoormat Sisimiuni innuttaasut saaffiginnissimasut amerlammata, Politiit facebookkikkut taama nalunaaruteqarnerarput.