Sisimiuni aalisartut tunitsiviliisoqarnissaanik ilungersuuteqartut

Sisimiuni aalisartut atukkatik naammagiinnarsinnaanagit qisuariarniarlutik aaliangerput.

Sisimiuni saarullinnik ullormut katillugit 20 tonsit ataallugit taamaallaat tunisisoqarsinnaanera naammanngilaq.
Aalisartut marluk taakkua tunisinnaavaat. Sisimiuni aalisartut siulittaasuat Leif Fontaine taama oqariartuuteqarpoq. Aalisartut Sisimiuni umiarsuarmik tunitsiviliisoqarnissaa ilungersuutigaat.

Aalisartullu maanna ingasaassilerput aalisakkanik tunisiumajunnaarlutik, umiarsualiviullu ataasinngorpat matunissaa pilersaarutigilerlugu.

Royal Greenland isumaqarpoq, saarullinniarneq taama sivikitsigimmat maanna tunitsiviusinnaasut allilernissaat akisuallaassasoq:

- Sapaatit akunnialui taamatut annertoorujussuarmik aalisartoqarsinnaasarpoq, kisianni taama amerlatigisunik tulaassissoqartarnera kisiat aallaavigalugu tunisassiorfiliortoqassagaluarpat, taava tunisassiorfiit angivallaarujussuit akisuallaarujussuillu sanasariaqassavagut, Royal Greenlandimi pisortaq Jens K. Lyberth oqarpoq.

Aamma atuaruk Umiarsuarmik tunitsiviusinnaasumik akuersissuteqarnissaq Royal Greenlandip paasiuminaatsippaa

Tunitsiveqarnikkut pissutsit taamaammata, aalisartut kattullutik umiarsuarmik pissarsisimapput, tunitsivissatut akuereqqullugu Enoksen Seafood-ip qinnuteqaatigisaanik.

Aalisarnermut naalakkersuisup akuerineqarnissaa inassutigisimavaa, qinnuteqatilli qaqugu naammassillugu suliarineqarnissaa nalunarpoq.

- Qinnuteqaatip Naalakkersuisunit akuerineqarnissaanut tunngavilersuutit Naalakkersuisoqarfimmit tallimanngorpat tunniunneqassapput, Naalakkersuisunilli qaqugu suliarineqassanersoq oqatigisinnaanngilara, aalisarneq pilugu naalakkersuisoqarfimmi pisortaq, Jørgen Isak Olsen KNR-imut oqarpoq.

Taassuma aamma oqaatigaa, tamatumunnga tunngasumik tusarniaaneq naammassereertoq.

Aamma atuaruk Sisimiuni aalisartut isornartorsiunerat Royal Greenlandimit paasineqanngilaq

Royal Greenland-imi tunitsiviliinissamik isuma akerleraat, aalisartunut iluaqutaagaluarluni nunami suliffinnik naleqarsinnaammat.

- Taamak allat umiarsualiinissaat uagut inassutiginngilarput. Tassa aningaasaliissutit nunatsinnut iluaqutaalluarnissaat, tassa aalisartunuinnaanngitsoq aamma sulisartunut, taanna angorusukkaluaratsigu, Jens K. Lybert oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat