Sisimiuni aalisartut akiliisarusupput - saniatigut aalisartunik nammaqateqarlutik

Sisimiuni angallateerarsorlutik aalisartut nakkutilliinermut akileeqataarusupput. Kisianni alisarnikkut aningaasarsiorniarneq ajornakusoorpoq. Taamaammat saniatigooralugu aalisartut nammaqataasariaqartut, isumaqarpput.

Nunarsuarmi aningaasarsiornikkut ajornartorsiorneq Nunatsinni aalisdartyunit malugisimaneqartoq Sisimiuni aalisartut tikkuarpaat. Aamma Nunatsinni aalisartut nunani allani aalisdartunit akitigut unamillerneqarnerat sakkortusoq oqarput.

Aalisarnermi nakutiginninnermut akiliut angallateerarsortunut ukiumut 15000 koruuninik naleqassaaq. SAPP-p siulittaasuata, Marius Olsenip akiliuteqartarnissaq ajorinngilaa, eqqarsarluarnissamilli kaammatrtuilluni.

- Nunarsuarmi aningaasaqarnerup ajalusoornerat kinguneraqnik aalisakkatta, soorlu saarulliit, akii 2009-mi affaannangornikuupput. Aamma nuarsujp sinnerani akit pitsaaagaluartut, aalisakkat niuffagginnut assartornerannut uagut akileeqataaasarpugut, Marius Olsen oqarpoq.

Sinerissap qanittuani assagiarsunniartut, saarullinniartut, nipisanniartut qaleralinniartullu akiliutaat Nunatta Karsianut 2.115.000 koruuninik isertitsissutaassapput.

Marius Olsen siunnersuuteqarpoq, nakkutilliinermut aningaasartuutit siaruarniarlugit saniatigooralugu aalisartartut nammaqataassasut.

- Sooq angallateersortut kisimik akiliissappat, allammi atuisut, Marius Olsen aperaaq?

- Saniatiooralugu aalisartartorpassuit aalisagarpassuarnik ukiumut qaqitsisarput. Taakkua aningaasarpassuarnik naleqarput ilaqutariillu aningaasaqarnerannut iluaqutaasarlutik, Marius Olsen Sisimiuniit oqarpoq.