Siriusip alapernaarsuisuisa pallittaalisaat

Daneborg allorniusaq sanimukartoq avannamut 74º-miittoq Siriusip uninngaarfigisartagaraa. Qimussit angalanngikkaangamik tamaaniittarput. Daneborgikkuttaaq nunarsuup sinneranut attaveqartarput.

Fra tårnet holder 'gnistholdet' dagligt radiokontakt med de øvrige slædehold

Lidt storm og fygning stopper ikke en Sirius-mand. Nicolai Windelborg er ude at hilse på hundene flere gange dagligt.

Når jeg bliver stor, vil jeg også trække tunge slæder

Allattoq Walter Turnowsky

marsip 04-at 2015 13:52

Nutserisoq Tikaajaat Kristensen

Daneborgimi napasuliami anorlerpalunnera tusarsaavoq. Igalaap silatinnguani ammalortut marluk pequliapput. Tassa qimmiaqqat marluk, pingajuat nuannaarluni pisseqattaarpoq anori soqutigerpasinnagu. Tassanngaannaq ilisarsaanngitsoq persersumi pisuttoq erserpoq. Morten Pedersen suleqataalu Nicolai Windelborg akunnerit arlallit isseqisumi sulisimapput.

Ajornartorsiutinik aaqqiisartut

Timmisartoq mikisoq Twin Otteri ualilluarnerani mippoq. Maannalu anorimut qajannaarsussaaq, orserlunilu. Ajortoqarporli.

Timmisartup tungaanut sarfalersuut ajorpoq, timmisartortartut Islandimeersut ilagalugit sivitsulersumi tamanna passutereerpaat. Ajuinnassappat imeqarfimmit sarfalersortariaqassaaq.

- Tamanna ernumanartoqalaarpoq. Sarfaarutissappat ajussaaq, Morten Pedersen oqarpoq tamannali pillugu ulapippasippallaarani.

Daneborgimi ukiukkut nammineerlutik imermik pilersortarput. Sarfaarutissappat sukkasuumik iliuuseqartariaqassapput. Taamaanngippammi stationi imeerutissaaq. Ajunngitsumilli aaqqippaat, timmisartoq imeqarfillu sarfalersorneqarput.

- Suliassarpassuaqarpoq, Nicolai Windelborg KNR-imut oqarpoq.

Daneborgimi Siriusikkut ullut tamaasa ajornartorsiutinik annikitsunik annertunernillu aaqqissuteqartarput. Generatorit aaqqissugassat; kissarsuut uuliatortoq qamittoortoq; matut appussaaqqasut nivatassat. Issittumiinneq atortunut ajornartorsiutaasinnaavoq.

Aamma atuaruk Misissuisarfissap ammarneqarnissaa kinguartinneqarpoq

"Gnistholdet"

Morten Petersen aamma Nicolai Windelborg qimussersut Daneborgimik maanna nakkutilliisorivaat. Marluinnaallutik aquppaat. Qimussersut allat marluk aallareersimapput allallu pingasut Station Nordimit angallanneqarnissartik utaqqillugu.

Daneborgimik nakkutilliisut marluk suliassaasa pingaarnerit ilagaat qimussersut ulluinnarni attaveqarfiginissaat. Qimussimik angalasut unnuit tamaasa nalunaaqutaq arfineq-pingasunut radiokkut attaveqarfigineqartarput. Taamaammat nakkutilliisut 'Gnistholdet'-mik ateruseqartinneqarput.

- Sumiinnerat oqaloqatigiissutigisarparput ingerlaarfissartillu malinneraat nakkutigalutigu, Morten Pedersen Siriusimut aamma pisortaasoq oqaluttuarpoq

Ullormut attaveqaqatigiittarneq aamma allamik siunertaqarpoq.

- Qimussertunut ullormut tamanna pingaarnerpaajusarpoq. Ilaqutaasa e-mailikkut allataat atuartarpagut nuannersunillu allanik tusagassaqartittarlutigit, Morten Pedersen nassuiaavoq.

- Marluinnaallutik angalanerminni eqqartugassaaleqisalersarput, taamaammat eqqartugassaannik tuniniarsarisarpagut, Siriusimiu misilittagartooq oqaluttuarpoq.

Angutit aqqaneq-marluk qitiusoqarfillu ataaseq

Upernaakkut qimussernerit isorartunersaasarput. Qimussit pingasut nunatta avannaarsuani sumiiffinnit assigiinngitsunit pingasunit marsip aallartinnerani aallartarput, pilersaarutillu malillugit juunip qaammataani Daneborgimut apuuttussaallutik. Apuuffissaallu qimussimik angalanerannut naleqqiullugu iluataffiuvoq.

Siniffiit maavaartut saniatigut aamma filmertarfeeraqarpoq, timigissartarfeqarluni igaffeqarlunilu atortorissaarluartumik. Siriusermiulli paarlakaallutik igasarnissaannik piumasaqaat suli atuuppoq.

Qimussertut arfiniliusut angalanngikkaangamik tassani katersuutsinneqartarput. Qimussimik angalanissaminnut tassani piareersartarput. Piareersaatillu ilaat pingaaruteqarluinnartoq tassaavoq qimussertussat tamarmik immikkut qamusiornissaat.

- Nammineq qamusiarigaanni qamutit tamakkiissumik ilisimasaqarfigineqartarput taamaattumillu aamma nammineq iluarsaanneqarsinnaallutik, Nicolai Windelborg nassuiaavoq.

Aamma atuaruk Nunatsinni Ilisimatusarfiit avannarpasinnersaat atoqqaarfissiuleraat

"Nersutinut inunnullu nakorsaq"

Siriusip alapernaarsuisuisa sanasutut suliaqarsinnaanerup saniatigut allarpassuarnik suliaqarsinnaasariaqarput. Aamma nersutit nakorsaattut sulisinnaasariaqarput. Daneborgimi nersutinut nakorsiartarfeeraqarpoq, qimmillu ajoqusersimasut tassani suliaritittarput.

- Suulluunniit suliarisinnaasariaqarpagut. Qimmit kigutai isumagalugit aammalu paallutik ikilersimappata ikii mersorlugit. Aamma qimmeq niuujarsimapput tamanna isumagisinnaasariaqarparput, Nicolai Windelborg oqarpoq.

Sukumiinerusunik suliassaqartillugu Danmarkimi nersutinit nakorsaannit oqarasuaatikkut ikiorneqarsinnaasarput.

Qimussertut ingerlaarnerminni qimmiminnik katsorsaasarnerat aamma nalinginnaasuuvoq.

Ajutoortoqassagaluarpallu aapparisaq aamma ikiorsinnaasariaqartussaavoq. Siriusikkormiut ilaata Daneborgip ungasinngisaani siorna ukiukkut niuni napivaa. Kammalaataasa Islandimut aallarunneqannginnerani niua inissilluarsinnarlugu gipsimik qerattaqquserpaat.

Qimmit

Daneborg, Siriusip alapernaarsuisuisa qitiusoqarfigisaat nassuiassagaanni, qimmiisa angerlarsimaffiattut taasariaqarpoq. Qimmit nukittuut qasusuitsullu tassani qimoriarsarneqartarput. Sakkutuut qimmii qimuttut 100-t missaanniittut nalunaarsoqqissaarneqartarput.

- Kinguaariiaanik erniortoqaqqunagu mianersoqqissaartariaqarpugut, Nicolai Windelborg oqarpoq.

Qimmiaqqat pingasut anorersuarnerani kialaartumiitikkumallugit illumut vappehusimik taagukkaminnut eqqukkiartorpai. Ulluni marlussunni tassaniitinneqassapput.